Mokabat sa 1,359 ka benepisyaryo sa Tagum City ang nakadawat og tig-P2,000 nga pinansyal nga ayuda ubos sa UPLIFT Program sa Department of Social Welfare and Development (DSWD) karong adlawa Agosto 19, 2026.
Gitumong ang maong ayuda alang sa mga kwalipikadong benepisyaryo aron makatabang sa ilang mga panginahanglan ug pag-atubang sa mga hagit sa panginabuhi. Ang pag-apod-apod sa ayuda kabahin sa padayong serbisyo sa DSWD alang sa mga kwalipikadong benepisyaryo.
Sa Davao del Norte, mokabat sa 27,780 ka benepisyaryo ang target nga mahatagan og ayuda ubos sa programa hangtod Disyembre 2026. Samtang nagapadayon ang pagpatuman sa programa aron maabot ang mga benepisyaryo sa nagkadaiyang lugar sa probinsya.
