Nakatagamtam og samad pinusilan sa tuong bukton ug nagkadaiyang samad sa lawas ang 65-anyos nga lalaki human gipusil ug gibato sa iyang kaugalingong 55-anyos nga igsoon didto sa Purok 5B, Barangay Kahaponan, Valencia City sa may 1:30 kagahapon Agosto 17, 2026.
Sumala sa report sa Valencia City Police Station, nagsugod ang kagubot sa duha tungod sa lalis bahin sa usa ka atabay human giputol sa biktima ang gitanom nga punuan sa Gmelina sa suspek aron himoong kuptanan sa maong deep well.
Mireport sa kapulisan ang 53-anyos nga babaye nga silingan sa dapit kabahin sa maong insidente. Nasayran nga samtang nagpahuway ang biktima sa gawas sa iyang balay, giduol kini sa suspek ug gipusil sa katulo apan napusilan kini sa tuong bukton, sa wala pa gilabayan ug mga batok sa suspek ang nagkalain-laing bahin sa iyang lawas kinsa dali nga nadala sa Polymedic General Hospital hinuon ana-a na kini stable nga kondisyon.
Human sa gipahigayon nga hot pursuit operation ug pag-activate sa Oplan Shield sa kapulisan alang sa pagdakop sa suspek, boluntaryong mitugyan ang maong igsoon alas-9:00 sa gabii sa tabang sa usa ka Barangay Kagawad aron atubangon ang proseso sa balaod ug makigkoordinar sa imbestigasyon
Photo Courtesy: Valencia CPS
