Gipildi sa Gilas Under-18 ang Thailand, 91-62, aron mapadayon ang ilang tsansa nga makaabante sa quarterfinals sa 2026 FIBA U18 Asia Cup. Human sa hinay nga pagsugod ug pagkabiya og 12 puntos sa unang kwarter sa dula, mibawi ang Pilipinas ug niratsada og 31-6 run sa third quarter.
Misaka sa 2-1 ang rekord sa Gilas U18 ug nahimutang sa ikaduhang pwesto sa Group A. Posibleng makaatubang sa qualification phase ang Pilipinas sa Syria o Bahrain.
Nanguna sa Gilas si Luke Atacador nga nakapuntos og 16, samtang adunay 15 puntos matag usa sila Aidan Green ug Elias Gish, ug 12 puntos si Kenji Moral.
Photo Courtesy: FIBA
