Gipanghimakak sa TWICE member nga si Chaeyoung ug singer-rapper Zion.T ang mga report nga nagbuwag na sila. Niadtong Agosto 14, 2026, mikaylap ang mga report nga nagbuwag na matod pa, ang duha human sa ilang relasyon nga hapit duha ka tuig nang gipubliko.
Sa unang higayon, wala dayon kumpirmaha o gipanghimakak sa ilang mga representante ang maong balita. Matud nila, pribadong butang kini sa duha ka artista.
Apan pipila ka oras ang milabay, mipagawas og hiniusang pahayag ang ilang mga ahensya ug klarong miingon nga walay kamatuoran ang mga balitang nagbuwag sila.
Sumala sa ilang mga ahensya, direkta nilang gikumpirma kang Chaeyoung ug Zion.T nga padayon gihapon ang ilang relasyon ug maayo ang ilang kahimtang isip manag-uyab
Gipasidaan usab sa duha ka ahensya nga ilang pagabantayan ang mga bakak ug malisyosong impormasyon nga mokaylap batok sa duha ka artista. Matud pa nila, andam silang mohimo og lig-ong legal nga aksyon batok sa mga report ug post nga walay kumpirmasyon ug mahimong makadaot sa reputasyon sa duha.
Una nang gikumpirma nila Chaeyoung ug Zion.T ang ilang relasyon niadtong Abril 2024. Samtang, bag-o lang gipahibalo ni Chaeyoung ang pagtukod sa iyang kaugalingong creative label nga LIL FANTASY human sa iyang pagbiya sa JYP Entertainment. Gipasiguro usab niya sa mga fans nga magpadayon gihapon siya isip miyembro sa TWICE.
Photo Courtesy: www.chosun.com
