Nisaka og 0.05 porsyento ngadto sa 6,264.70 ang Philippine Stock Exchange index (PSEi) niadtong Martes, tungod sa kusog nga pagpamalit sa mga investor sa ulahing bahin sa trading session.
Tungod niini, nisaka usab ang All Shares index og 0.23 porsyento ngadto sa 3,440.82, samtang gipangulohan sa Mining and Oil ang mga sector nga nakarekord og pagsaka.
Sa laing bahin, nisaka ang kantidad sa dolyar batok sa piso, diin misira kini sa ₱61.78 kada dolyar kumpara sa ₱61.49 sa miaging adlaw.
Subay sa datos sa mga eksperto, nagpabiling maampingon ang merkado tungod sa hinay nga pagtubo sa remittances gikan sa mga Pilipinong naa sa gawas sa nasud ug sa dili kaayo maayong performance sa Wall Street.
Photo Courtesy: abcapital.com
