Gibatikos ang bag-ong Housing Minister sa Colombia human mabutyag nga nagbakasyon kini uban sa iyang pamilya sa Caribbean samtang nag-atubang ang nasud sa epekto sa kusog nga linog nga miigo sa maong nasud.
Ang maong linog miresulta og liboan ka residente nga walay kapuy-an, hinungdan nga gikuwestiyon sa pipila ang desisyon sa opisyal nga magbakasyon samtang nagpadayon ang pagtubag sa panginahanglan sa mga apektado.
Nakadugang usab kini sa kritisismo batok sa ministro, ilabi na sa iyang responsibilidad sa sektor sa housing atol sa panahon sa kalamidad. Samtang, padayon ang mga lakang sa Colombia aron matabangan ang mga pamilyang naapektuhan ug mahatagan og temporaryong kapuy-an ang mga nawadaan og balay.
Photo Courtesy:x.com
