Nagmando si Bureau of Customs Commissioner Ariel Nepomuceno og komprehensibong accounting ug inventory sa tanang armas nga gi-isyu sa BOC, human sa pagpamusil sa Ateneo de Zamboanga University nga miresulta sa kamatayon sa 2 ka estudyante.
Giparepaso usab ni Nepomuceno ang pagsunod sa mga polisiya sa gun safety, pagdala, pagtipig ug pag-atiman sa mga armas, samtang gipangayo ang compliance reports sulod sa 24 oras.
Gikumpirma ni BOC Deputy Commissioner Nolasco Bathan nga usa sa mga armas nga gigamit sa insidente, usa ka Glock 22 .40 caliber pistol, gi-isyu sa BOC ngadto kang Lt. Lars Jalani, amahan sa suspek.
Si Jalani gitangtang na sa iyang pwesto samtang nagpadayon ang imbestigasyon ug pagtigom sa mga dokumento ug ebidensya kalabot sa insidente.
Photo Courtesy: Bureau of Customs
