Giawhag ni Bangko Sentral ng Pilipinas Governor Eli Remolona Jr. ang mga financial regulator sa Southeast Asia nga palig-onon ang regional cooperation batok sa cybersecurity ug climate-related financial risks. Gipahayag kini ni Remolona atol sa SEACEN High-Level Conference nga gihimo sa Taguig City niadtong nakalabay nga adlaw.
Matud sa BSP chief, kinahanglan mas aktibo ug magkahiusa ang mga regulator tungod sa nagkadaghang hulga gikan sa geopolitical conflicts, digital transformation, cybersecurity ug climate risks.
Aron mapalig-on ang pagbantay sa mga bangko, gigamit na sa BSP ang Artificial Intelligence ug Supervisory Technology sa data analytics ug pagmonitor sa pagsunod sa mga regulasyon.
Gihisgutan usab sa mga delegado ang pagpalig-on sa crisis management ug pagpanalipod sa kalig-on sa financial system sa rehiyon.
Photo Courtesy: Bankero
