Misaka og 1.7% ang cash remittances sa mga overseas Filipinos sa Pilipinas niadtong buwan sa Hunyo nga miabot sa $3.04B, sumala sa Bangko Sentral ng Pilipinas (BSP).
Kini ang giila nga labing hinay nga pagtubo sa kapin upat ka tuig. Sa unang unom ka bulan sa 2026, miabot sa $17.15B ang gipadala sa mga Filipino abroad, kun 2.4% nga mas taas kun itandi sa samang panahon niaging tuig. Apan ubos gihapon kini sa 2.7-porsyentong full-year growth forecast sa BSP.
Matud sa mga ekonomista, nakaapekto sa remittances ang pagsaka sa presyo sa mga host counties ug ang dugay nga panagbangi sa Middle East, nga mipugos sa disposable income sa mga migrant workers ug nakaapekto usab sa labor deployment.
Bisan pa sa hinay nga pagtubo, nagpabiling importante ang remittances sa pagsuporta sa pagkonsumo sa mga panimalay ilabina sa pagkaon, retail, balay ug uban pang panginahanglan.
Gilauman sa mga eksperto nga magpadayon gihapon ang positibong remittance inflows, apan mahimong hinay ang pagtubo tungod sa global economic uncertainties ug geopolitical risks.
Photo courtesy: shoppable Business
