Gikondena sa Japan ang unang pagbisita ni Russian President Vladimir Putin sa usa sa mga disputed Kuril Islands sa amihanang bahin sa Japan. Giingon ni Japanese Prime Minister Sanae Takichi nga dili madawat ang maong pagbisita ug giila ang mga isla nga ubos sa teritoryo sa Japan.
Mitubag ang Russian Foreign Ministry nga ang mga isla kabahin sa teritoryo sa Russia. Ang Kuril Islands giokupar sa Soviet troops duha ka semana human sa pormal nga pagsurender sa Japan niadtong Agosto 15, 1945 nga misangpot sa pagpahawa sa mga 17,300 ka Japanese residents.
Atol sa iyang pagbisita sa Iturup Island, nga gitawag sa Japan og Etorofu, gisusi ni Putin ang usa ka eskwelahan, ospital ug mga pasilidad sa industriya. Nahitabo ang pagbisita duha ka adlaw sa wala pa ang ika-81 nga anibersaryo sa pagsurender sa Japan sa katapusan sa World War II.
Matud sa eksperto sa international relations nga si James Brown, ang pagbisita mahimong mensahe sa Japan tungod sa suporta niini sa Ukraine ug mas suod nga relasyon sa mga European member sa NATO.
Dugay na nga naglalis ang Russia ug Japan bahin sa pagpanag-iya sa mga isla, ug tungod niini wala pa sila makapirma og pormal nga peace treaty.
Photo courtesy: Wikipedia
