Pormal nga gi-inagurahan ang bag-ong building sa Polanco Municipal Police Station niadtong Agosto 17, 2026, didto sa Poblacion South, Polanco, Zamboanga del Norte.
Gitambongan ang maong mahinungdanong kalihokan gi nila ni PBGEN Dennis A. Esguerra, Acting Regional Director sa PRO 9, ug Mayor Shaia Ruth R. Uy, uban nila ni PCOL Reydante E. Ariza, Provincial Director; PCPT Jeofferd S. Celestino, Officer-in-Charge sa Polanco MPS; ug uban pang mga opisyal sa kapulisan, mga opisyal sa lokal nga gobyerno, mga stakeholders, ug mga representante sa komunidad.
Apil sa mga kalihokan ang ribbon cutting, pagbutyag sa commemorative marker, blessing sa bag-ong pasilidad, ug ang seremonyal nga turnover of the key, nga pormal nga nagtimaan sa pagkahuman sa pasilidad nga gipahinungod alang sa kalinaw, kahapsay, kaluwasan sa publiko, ug serbisyo sa kapulisan nga matinagdanon sa panginahanglan sa katawhan.
Sa iyang mensahe, gipalig-on ni PBGEN ESGUERRA ang pasalig sa PNP sa paghatag og propesyonal, matinagdanon, ug nakapokus sa komunidad nga serbisyo sa kapulisan, samtang gipasiugda ni Mayor UY ang kamahinungdanon sa lig-on nga panag-uban sa kapulisan ug lokal nga gobyerno (LGU) aron mapadayon ang usa ka luwas ug malinawon nga komunidad.
Ang bag-ong Polanco MPS nagsilbing simbolo sa lig-on nga panag-uban, nabag-o nga pasalig, ug walay paglubad nga dedikasyon sa pagserbisyo ug pagpanalipod sa katawhan sa Polanco.
Courtesy: Polanco MPS
