Nagpahayag si U.S. President Donald Trump nga iyang ideklarar nga bahin sa teritoryo sa Estados Unidos ang Strait of Hormuz human ang gubat batok sa Iran.
Atol sa usa ka political rally sa New York, miingon si Trump nga “puhon” iyang ideklarar ang maong estratehikong agianan nga teritoryo sa US. Ang Strait of Hormuz usa sa pinakaimportante nga sea lanes sa kalibotan tungod kay dinhi moagi ang dakong bahin sa global energy ug commodity shipments.
Ang tensyon tali sa US ug Iran misamot human sa mga pag-atake sa duha ka panig. Gikontrol sa Iran ang dakong bahin sa agianan, samtang ang U.S. Navy nagpatuman og blockade sa mga pantalan sa Iran aron mapugngan ang paglihok sa mga barko ug mapaluya ang ekonomiya sa nasud.
Giingon usab ni Trump nga ubos sa maong blockade, walay barko nga makaagi gawas kung tugotan sa Estados Unidos.
Photo Courtesy: Washington Examiner
