Nakapukaw sa atensyon sa mga traffic enforcers ang usa ka talagsaong sakyanan nga gidisenyo nga susama sa UFO human kini gipara tungod sa paglapas sa traffic regulations. Namataan sa usa ka highway patrol officer ang maong sakyanan samtang nagbiyahe kini paingon sa Roswell, New Mexico, aron motambong sa bantugang Roswell UFO Festival.
Apan bisan pa sa talagsaong disenyo niini, gipahunong kini sa mga otoridad tungod kay dili klaro ug dili makita pag-ayo ang plate number sa sakyanan, nga supak sa traffic rules. Inay nga hatagan og citation, gipasidan-an lamang ang mga sakay ug gihangyo nga siguruhon nga klaro ug makita ang plate number sa ilang sakyanan sa ilang sunod nga pagbiyahe.
Nasayran usab nga dili kini unang higayon nga nasita ang maong UFO-inspired vehicle, tungod kay una na usab kini gipara sa Missouri may kalabotan sa isyu sa rehistrasyon niini
Photo Courtesy:Carscoops
