Hugot ang pag-monitor karon sa Misamis Oriental Provincial Veterinary Office sa sakit nga Avian Influenza ngadto sa mga dugo sa manok o sa binuhing pato sa lalawagian. Sumala ni Animal Disease Surveillance, Veterinarian Gerlie Flor A. Velasco nga niadtong Marso ilang gi-survey kauban ang Department of Agriculture ang lungsod sa Lagonglong, Alubijid ug Gingoog City pinaagi sa pagkuha sa mga dugo sa manok ug pato kung asa negatibo sa sakit.
Tumong sa pag bantay sa sakit nga bird flu nga dili kini mo kuyanap sa lalawigan hilabi na nga pwedi matakboyan ang mga tao niini nga moresulta sa kamatayon. Sa usa ka tuig ika duha matud pa ang ilang pag survey sa mga lungsod pinaagi sa pag kuhag dugo sa mga pato o manok matag bulan sa Marso ug Septyembre.
Posibleng sunod nilang surbeyhon ang lungsod sa Magsaysay, Opol ug El Salvador City kung asa naghinaut ang buhatan sa Provincial Veterinary Office nga negatibo gihapon sa sakit ang naasoyng lugar.
Photo courtesy: Provincial Veterinary Office-Misamis Oriental
