Mitubo ang cash remittances gikan sa mga Pilipino sa gawas sa nasod sa labing hinay nga dagan sulod sa kapin upat ka tuig niadtong Hunyo, bisan pa nga nakaabot kini sa unom ka bulan nga pinakataas nga lebel. Sumala sa datos sa Bangko Sentral ng Pilipinas o BSP, mokabat sa $3.039 bilyon ang cash remittances nga gipadala sa mga Overseas Filipino Workers o OFWs niadtong Hunyo, nga 1.7 porsyento nga mas taas kumpara sa $2.987 bilyon sa miaging tuig. Kini ang pinakataas nga monthly remittance inflow sukad Disyembre 2025.
Bisan pa niini, ang 1.7 porsyentong pagtubo ang pinakahinay nga annual growth sulod sa upat ka tuig ug upat ka bulan, o sukad Pebrero 2022. Sa unang unom ka bulan sa 2026, mikabat sa $17.149 bilyon ang cash remittances, nga 2.4 porsyento nga mas taas kumpara sa $16.753 bilyon sa samang panahon sa miaging tuig. Samtang, ang personal remittances niadtong Hunyo mikabat sa $3.388 bilyon, nga misaka og 1.8 porsyento gikan sa $3.329 bilyon.
Sumala sa BSP, ang Estados Unidos nagpabiling nag-unang tinubdan sa remittances, gisundan sa Singapore ug Saudi Arabia. Sa unang unom ka bulan, misaka og 2.4 porsyento ang personal remittances ngadto sa $19.123 bilyon gikan sa $18.672 bilyon sa miaging tuig. Gilauman sa BSP nga ang cash remittances motubo og 2.7 porsyento ngadto sa $36.6 bilyon karong 2026, mas hinay kumpara sa 3.3 porsyentong pagtubo niadtong 2025.
Photo courtesy: Philippine News Agency
