Usa ka ordinaryong rocket launch sa NASA niadtong September 6, 2013, nahimong extraordinary human naay baki nga kalit og apil sa paglupad!. Eksaktong alas-11:27 sa gabii, gilunsad sa NASA ang LADEE spacecraft padulong sa Moon gikan sa Wallops Flight Facility sa Virginia.
Wala’y problema ang rocket—perfect ang paglupad. Pero sa usa ka remote camera nga automatic nga mikuha og litrato tungod sa kusog nga tingog ug vibration sa rocket, nakuhanan og usa ka once-in-a-lifetime nga eksena.
Sa ibabaw nga bahin sa litrato, klaro nga makita ang usa ka baki nga naglutaw sa hangin, samtang sa luyo niini nagdilaab ang rocket!
Murag niingon ang palaka: “NASA, Moon mission? Apil ko!”. Gikumpirma sa NASA nga tinuod ang litrato ug wala kini gi-edit. Ang palaka tinuod, ang rocket tinuod, ug ang timing sa camera, pang-Guinness!. Apan adunay usa ka dakong misteryo: wala mahibaloi kung unsa ang nahitabo sa baki human sa paglupad.
Mao nga samtang ang NASA nagpadala og spacecraft ngadto sa Moon, ang palaka basin nagpadala pud og kaugalingong mission— “Survival Mission: Asa na ko landing?” Ug kung buhi man gani siya human sa launch, posible nga mao kini ang unang palaka nga nakaingon: One small hop for a frog, one giant launch for frogkind!”
Photo courtesy: NASA
