Usa ang patay ug usa ang samdan human nag-overshoot sa dalan ang usa ka motorsiklo sa Granada-Alangilan Road, Barangay Granada, Bacolod City, niadtong gabii sa Agosto 15, 2026.
Ang namatay giila lamang sa alyas nga “Aico,” 31 anyos, residente sa Sitio Sutay, Barangay Antipolo, Pontevedra, samtang samdan ang iyang angkas nga giila sa alyas nga “Alberto,” 36 anyos, residente sa Barangay Poblacion, San Enrique.
Base sa imbestigasyon sa Traffic Enforcement Unit (TEU), gikan sa Barangay Alangilan ang motorsiklo ug padulong na sa ubos nga bahin sa dalan sa dihang miabot kini sa usa ka kurbada.
Gituohang nawad-an og kontrol ang motorsiklo ug nag-overshoot sa dalan, hinungdan nga naigo ang driver sa usa ka road signage. Parehong nasamdan ang duha ka sakay ug gidala dayon sa ospital. Apan, gideklarar nga dead on arrival si Aico tungod sa mga samad sa iyang ulo ug ubang bahin sa kalawasan.
Samtang, padayon nga gitambalan si Alberto tungod sa iyang minor injuries. Matod sa kapulisan, base sa ilang inisyal nga imbestigasyon, ang insidente giila nga self-inflicted accident, ug wala pay timailhan nga adunay laing sakyanan nga nalambigit sa maong aksidente.
Photo Courtesy: PNP PRO NIR
