Nagpahinumdom si Heart Evangelista sa mga influencer ug mga personalidad nga magpabiling mapainubsanon ug matinahuron bisan pa sa ilang naabot nga kasikat.
Sa iyang pagpakita isip guest sa usa ka vodcast, miingon si Heart nga dili angay hukman ang usa ka tawo base lamang sa iyang gipakita sa social media, tungod kay lahi usahay ang ilang pamatasan sa personal.
Gipasidaan usab niya ang mga personalidad nga dili magpaapekto sa ilang kasikat o viral moments ug dili kalimtan kung asa sila nagsugod.
Matud ni Heart, “Huwag masyadong maging malaki ang ulo, maging mabait ka sa lahat ng tao,” ug iyang gihatagan og gibug-aton ang pagrespeto sa tanang tawo, bisan unsa pa ang ilang trabaho o kahimtang sa kinabuhi.
Wala maghisgot si Heart og ngalan sa bisan kinsa nga personalidad kalabot sa iyang mga pamahayag.
Photo Courtesy: Instagram
