Nagnubo ang residential power rate sang Sultan Kudarat Electric Cooperative ukon SUKELCO para sa Agosto 2026. Halin sa ₱10.1655 kada kilowatt-hour sang Hulyo, nagnubo ini sa ₱9.1197 kada kilowatt-hour subong nga Agosto, ukon may pagnubo sang ₱1.0458 kada kilowatt-hour.
Samtang, wala nagbag-o ang distribution charge sang SUKELCO nga yara sa ₱1.8423 kada kilowatt-hour, kun sa diin nagapabilin ang nasambit nga rate halin pa sang 2010. Ginpahayag sang SUKELCO nga ang nagkalain-lain nga bahin sang bill nagapadulong sa power suppliers, NGCP kag mga buhis sa gobyerno.
Gina-awhag man ang mga konsumidor nga usisaon ang unbundled breakdown sang ila bill agud makita kun sa diin nagakadto ang tagsa ka bahin sang ginabayaran nga power rate.
