Nakasulod sa qualification sa quarterfinal round sa FIBA U18 Asia Cup 2026 ang Gilas Pilipinas Youth human gipildi ang Thailand sa score nga 91-62, sa ilang dula sa Ahmedabad, India.
Bisan og napakurat sa unang half ug nakaabante pa og 12 puntos ang Thailand, nakabawi pa gihapon ang Gilas sa ikaduhang bahin sa dula.
Nagpadayon ang dominanteng dula sa Gilas sa fourth quarter, diin naka-angkon sila og 12 ka sunod-sunod nga puntos ug napugngan ang Thailand sa unang unom ka minutos.
Nanguna sa scoring si Luke Atacador nga adunay 16 puntos, samtang 15 puntos matag usa sila George Green ug Elias Gish diin nakadugang usab si Chog Moral og 12 puntos.
Human sa maong kadaugan, nahuman sa Gilas Youth ang Group A sa ikaduhang pwesto nga adunay 2-1 nga win-loss record.
Sunod nilang atubangon ang ikatulong placer sa Group C alang sa qualification sa quarterfinals, diin Syria o Lebanon ang posible nilang makaatbang.
Photo Courtesy:SPINPH
