Kapin 5.39 milyon ka kabus, near-poor, ug low-income households ang nakadawat na sa Unified Package for Livelihood, Industry, Food, and Transport (UPLIFT) Assistance sa gobyerno. Sumala sa DSWD, kapin 73 porsyento na sa mga benepisyaryo ang nakadawat sa unang P2,000 nga cash assistance, diin mikabat na sa kapin P10.791 bilyon ang kinatibuk-ang napagawas nga pondo.
Sa Group 1, kapin 3.2 milyon ka households beneficiaries sa 4Ps ug Walang Gutom Program ang nakadawat sa one-time nga P2,000 nga top-up assistance. Gipatin-aw usab sa DSWD nga usa ra ka higayon makadawat sa UPLIFT ang mga benepisyaryo sa 4Ps ug Walang Gutom Program.
Samtang sa Group 2, kapin 1.39 milyon ang nakadawat sa ilang July assistance, ug kapin 802 mil ka low-income SSS members ubos sa Group 3 ang nakadawat sa ilang unang 2 mil pesos.
Matud sa DSWD, ilang gipadali ang payout aron mas daghang pamilya ang matabangan batok sa epekto sa pagtaas sa presyo sa mga palaliton ug nag-unang serbisyo gumikan sa nagpadayon nga kagubot sa Middle East.
Photo Courtesy: PNA
