Nikatap sa social media ang istorya sa usa ka adunahang babaye sa China nga gikatahong nagpundo sa paghimo og kapin 50 ka episode nga vertical short drama aron siya mismo mahimong bida.
Gipili usab sa babaye ang 23-anyos nga aktor nga si Zhong Yufei aron mahimong iyang kapareha sa drama, diin siya nagdala sa papel nga prinsesa samtang ang aktor nahimong prinsipe.
Giingong iyang gipadaghan pa ang mga eksena sa paghalok, nga misobra sa 60 ka kissing scenes sulod sa kapin 50 ka episode, hinungdan nga nakurat ang pipila ka miyembro sa production team.
Nisangpot sa mas seryosong isyu ang produksiyon human si Yufei mipadayag nga gikatahong nalapas ang iyang personal nga boundaries atol sa pipila ka intimate scenes, samtang kapin 20 niini ang gitangtang sa streaming platform tungod sa pagka-intimate sa maong salida.
Misamot ang kontrobersiya sa dihang ang production company mipasaylo kang Yufei ug mipasalig nga palig-onon niini ang mga kasabotan ug proteksyon alang sa mga aktor sa umaabot nga mga proyekto.
Photo Courtesy: Instagram
