Liboan ka mga bakwit ang padayon nga nagpaabot og tabang sa Flores Island sa Indonesia human sa kusog nga linog nga nitay-og nga hinungdan sa pagkamatay sa 48 ka mga tawo, diin daghan ang naangol ug nangaguba ang daghang gambalay.
Matod sa tigpamaba sa BNPB national disaster agency sa Indonesia, Berton Suar Pelita Panjaitan nga naa sa 5,000 ka mga tawo ang nibiya gikan sa ilang mga panimalay human sa magnitude 7.7 nga linog nga nitay-og sa sayo niadtong nakalabay nga Sabado gisundan sa 341 ka mga aftershocks.
Segun sa report nga dunay pila ka mga dapit ang nakasinati og pagkapalong sa sugang dagitabnon ug ingon man nawad-an og signal sa komunikasyon.
Sa nasayran, gitay-og ang isla sa Flores sa magnitude 7.7- nga linog niadtong tuig 1992 nga hinungdan sa usa ka tsunami ug nikutlo og 2,500 ka mga tawo.
Matod sa Local search and rescue official, Fathur Rahman nga walay gikataho nga natabunan og namissing human sa linog diin di muminos 101 ka mga residente sa isla ang gikataho nga naangol.
Gihulagway nga dunay pipila lang ka mga tag-as nga gambalay sa Flores diin kapin 900 ka mga panimalay ang nagrabehan ang kadaot human sa linog.
Photo courtesy: Agence France-Presse
