Karong hapit na motungha sa kolehiyo si Queenie Pacquiao, anak ni kanhi senador Manny Pacquiao, nasayran nga mukabat sa 5 milyones pesos ang tuition fee lakip na ang kinatibuk-ang school expenses niini matag tuig.
Kini base sa official website sa unibersidad sa Chicago diin adto mukuha si Queenie sa iyang kurso nga forensic science, ug matud pa nga lakip na usab niini ang mandatory fees, university housing, ug ang standard meal plan.
Matud ni Queenie, sa iyang tan-aw maayo ra man ang campus sa maong tunghaan, lakip na usab ang mga tawo niini. Dugang usab nga nasayran nga sa bayrunon lamang sa iyang tuition, mokabat kini sa 56 US Dollars o 3.49 milyones pesos, alang lamang sa duha ka semester.
Kahinumduman nga sa niaging buwan sa Mayo lang karong tuiga nitapos si Queenie sa high school.
Photo source: Jinkee Pacquiao/Fb Page
