12 ka tawo ang natala nga namatay samtang daghan usab ang naangol human misarasay ug nahulog sa kanal ang usa ka tourist bus gikan sa Poland subay sa M3 motorway sa Hungary.
Nahitabo ang maong trahedya pasado alas-1:00 sa kaadlawon samtang ang bus nagbiyahe gikan sa Budapest paingon sa Nyíregyháza. Gikustodiya na sa kapolisan ang drayber human nagtuo ang mga otoridad nga nakatulog kini samtang nagmaneho.
Adunay 57 ka pasahero ug duha ka drayber ang sakay sa maong bus, diin 35 kanila ang daling naluwas sa mga responders ug bombero gikan sa nahitaboan. Sumala sa Hungarian Ambulance Service, usa ka pasahero ang nagpabilin sa kritikal nga kahimtang, siyam ang nakatagamtam og grabeng samad, ug 37 ang nagkaangkon sa minor injuries.
Nagpadala na usab og pormal nga pahasubo si Hungarian Prime Minister Péter Magyar ngadto sa mga pamilya nga nawad-an og kabanay sa maong aksidente, samtang naglaum usab kini sa dali nga pag-ayo sa tanang mga biktima nga naa karon sa ospital.
Photo Courtesy: WIVB
