Gilauman nga mosaka ang electricity bill sa mga konsumidor sa Luzon, Visayas ug Mindanao tungod sa pagtaas sa transmission charge karong Agosto. Matod sa National Grid Corporation of the Philippines (NGCP), misaka og 22.22% ang transmission rate alang sa July 2026 billing period, gikan sa P1.4367 ngadto sa P1.7560 kada kilowatt-hour.
Pangunang hinungdan niini ang 30.85% nga pagtaas sa ancillary services charges, gikan sa P0.7941 ngadto sa P1.0391 kada kilowatt-hour. Gipasabot sa NGCP nga wala kini makaganansya sa ancillary services tungod kay direktang gipasa ang mga bayad ngadto sa mga service provider ug uban pang may kalabotan nga entidad. Ang transmission charge ang bayad sa paghatod sa kuryente gikan sa mga power supplier ngadto sa distribution system, nga gibayran ngadto sa NGCP.
Photo courtesy: Avito Dalan/ Philippine News Agency
