Nagpahinumdom ang Commiission on Elections (COMELEC) Pagadian sa tanang mga magpapili nga Sangguniang Kabataan sa umaabot nga Barangay and Sangguniang Kabataan (BSKE) 2026.
Matud ni Atty. Jed Labador, Election Officer IV sa COMELEC Pagadian, ubos sa SK Law, dili ma-qualify ang kandidato kung siya related sulod sa second civil degree of consanguinity o affinity sa usa ka incumbent elected official sa nasakop nga locality.
Kini nagpasabot nga apil niini ang mga duol nga kaliwat sama sa ginikanan, anak, igsoon, apohan ug apo, depende sa matang sa relasyon. Samtang giagni ni Atty. Labador ang mga batan-ong magpapili isip SK Chairman nga importante nga susihon daan ang tanang qualifications ug documentary requirements aron malikayan ang posibleng disqualification.
Siya usab nagpahinumdom nga ang filing sa Certificate of Candidacy para sa 2026 BSKE mahitabo gikan September 28 hangtod October 5, 2026 busa angay nang magpakisusi ang mga planong molansad alang sa uban pang gikinahanglan.
