Daling gidala sa balay tambalanan ang usa ka 58 anyos nga Construction Worker human kini gidunggab ug Ice pick sa wala mailang suspetsado sa may hallway sa Pag-asa Pawnshop, Rizal Branch, Barangay San Francisco, Pagadian City, mga alas 4:20 sa kadlawon, Agosto 16, 2026.
Sa inisyal nga imbestigasyon sa Pagadian City Police Station, nasayran nga ang biktima natulog lang unta sa hallway agi sa kahubog apan sa kalit nga lang nga gidunggab sa suspetsado gamit ang ice pick igo sa ibabaw nga bahin sa dughan.
Dali nga misibat ang suspetsado sa lugar ug sa ilang pagresponde ang biktima nalang ilang naabtan hinungdan dali nila kini nga gidala sa pinakaduol nga tambalanan alang sa dinaliang pagtambal.
Samtang naglusad na ug follow up operations ang Pagadian City Police Stations aron maila ug matutultulan ang nahimutangan sa suspetsado nga karon pabilin pang gawasnon.
