Nagpatuman ang Singapore og bag-ong mga balaod aron mas maprotektahan ang mga tawo batok sa online sexual abuse, lakip ang paggamit sa artificial intelligence (AI) sa paghimo og intimate images nga walay pagtugot sa biktima.
Ubos sa bag-ong balaod, mahimo nang krimen ang paghimo ug pag-apil sa AI-generated intimate materials nga walay consent diin ang mga mapamatud-ang sad-an mahimong mapriso og hangtod duha ka tuig ug makamulta.
Gitugotan usab sa Singapore ang pagpasaka og kaso batok sa mga tawo nga nag-groom og mga menor de edad sa gawas sa nasud ug dayon nakahimo og sexual offense, ubos sa pipila ka kondisyon.
Kung ang biktima ubos sa 14-anyos, mahimong molungtad sa pito ka tuig ang pagkabilanggo sa mga mapamatud-ang sad-an.
Matud sa Singapore Ministry of Home Affairs, tumong sa bag-ong balaod nga mapalig-on ang pagpatuman batok sa online sexual abuse ug mapugngan ang paghimo ug pagpakaylap sa AI-generated sexual materials.
Photo Courtesy: CNA
