Miabot na sa ₱689 milyon ang kantidad sa kadaot sa sektor sa agrikultura tungod sa Habagat ug mga niaging bagyo, sumala sa Department of Agriculture (DA).
Sa kinatibuk-ang kadaot sa agrikultura, ₱451 milyon niini ang kadaot sa mga pananom nga humay sa kapin 18,000 ektarya nga uma. Matod ni DA Assistant Secretary Arnel De Mesa, tigpamaba sa ahensya, 15,500 ektarya sa mga apektadong uma ang partially damaged ug adunay pa’y posibilidad nga makarekober. Samtang, hapit 3,000 ektarya ang totally damaged.
Ang Pampanga ang nagtala sa pinakadakong agricultural losses nga miabot sa ₱131 milyon, gisundan sa Nueva Ecija ug Pangasinan. Gibanabana usab nga mokabat sa ₱2 milyon ang kadaot sa livestock ug poultry.
Photo courtesy:Philippine Information Agency
