Giawhag ni CAFITADA President Berni Jamaca ang tanang taxi driver sa Cagayan de Oro nga dili manigbas o maningil og sobra sa mga pasahero aron mapreserbar ang maayong imahe sa mga taxi driver ug operator sa syudad.
Matud ni Jamaca, importante nga ampingan ang dungog sa mga driver ug operator ug magpakita og maayong serbisyo isip ehemplo sa sektor sa transportasyon sa dakbayan.
Gibara usab sa CAFITADA President ang giingong pamahayag sa LTFRB nga baho ang mga taxi sa syudad, ug giingong dili angay nga tanang taxi i-generalize sa komentaryo.
Gidasig sa CAFITADA ang mga driver nga magpadayon sa matinud-anong serbisyo aron masaligan sa publiko ang industriya sa taxi sa Cagayan de Oro.
Photo courtesy: Cagayan de Oro Today
