Areastado sang mga otoridad ang isa ka High Value Individual ukon HVI matapos ang ginpatigayon nga buy-bust operation sa Barangay EJC Montilla, Tacurong City sang Agosto 15, 2026.
Ang suspek ginkilala kay alyas “Ronny,” 39 anyos kag residente sang Barangay Fatima, General Santos City, nga ginakabig nga isa ka HVI sang Philippine Drug Enforcement Agency ukon PDEA 12. Narekober man ang isa ka Android cellphone, XRM motorcycle kag marked money.
Ginpatigayon ang operasyon sang Tacurong City Police Station kag Sultan Kudarat PDEA 12 bangod sa paglapas sa Republic Act 9165 ukon Comprehensive Dangerous Drugs Act.
Nakumpiska sa operasyon ang isa ka sachet sang ginapatihan nga shabu nga may kabug-aton nga 50 gramos kag ginabulubanta nga nagabalor sang P340,000.00. Narekober man ang isa ka Android cellphone, XRM motorcycle kag marked money.
Ang suspek kag mga narekober nga ebidensya, gin-turn over na sa Sultan Kudarat PDEA 12 para sa nagakaigo nga disposisyon. Suno kay PRO 12 Regional Director PBGen Alan B. Manibog, daku nga tikang ang pagkarekober sang 50 gramos sang ginapatihan nga shabu sa kampanya kontra ilegal nga droga.
Ginpahayag man, nga padayon man ang pagpabaskog sang kapulisan sang operasyon kag koordinasyon sang PDEA agod maprotektahan ang komunidad batok sa peligro sang ilegal nga droga.
