Nakadawat og tabang pinaagi sa construction supplies ug bugas ang siyam ka pamilyang Cotabateño nga nabiktima sa sunog sa mga lungsod sa Matalam ug President Roxas gikan sa Provincial Government of Cotabato.
Gihatod sa Provincial Disaster Risk Reduction and Management Office (PDRRMO) ug Provincial Social Welfare and Development Office (PSWDO), uban ang Municipal DRRMO ug Barangay LGU, ang tabang ngadto sa mga pamilyang naapektuhan sa sunog sa Barangay Bangbang, Kibia ug Bato sa Matalam.
Sa President Roxas, nakadawat usab og susamang ayuda ang mga pamilya gikan sa Barangay Poblacion, Sagcungan ug Bato-Bato. Kabahin kini sa padayong pagtabang sa administrasyon ni Governor Emmylou “Lala” J. Taliño-Mendoza sa mga Cotabateño nga naapektuhan sa wala damhang mga insidente.
Gipasalamatan sa mga benepisyaryo ang Provincial Government tungod sa paghatag og ayuda alang sa ilang mga panginahanglan panahon sa kalisdanan.
Photo Courtesy: Provincial Government of Cotabato
