Nagpasidaan si Film Development Council of the Philippines (FDCP) Chairman ug direktor Jose Javier “Joey” Reyes sa padayong kalisod nga giatubang sa industriya sa pelikulang Pilipino.
Matod ni Reyes, dili lang presyo sa tiket ang hinungdan nganong lisod makakuha og suporta ang mga lokal nga pelikula. Kinahanglan usab tan-awon ang interes ug pagtan-aw sa mga Pilipino sa lokal nga pelikula, samtang responsibilidad usab sa mga producer ang paghimo og kalidad ug sulit nga mga salida.
Gipunting sa direktor nga kinahanglan mosaka ang kalidad sa lokal nga pelikula, maghatag og bag-ong mga istorya ug dili magsalig lamang sa lokal nga merkado. Matod pa niini, kinahanglan nga maghunahuna ang industriya sa global nga merkado aron mas mapalapad ang oportunidad sa pelikulang Pilipino.
Bisan pa niini, gidayeg ni Reyes ang lineup sa Cinemalaya karong tuiga ug miingon nga adunay dakong potensyal ang mga istoryang Pilipino nga mailhan sa tibuok kalibotan kung hatagan kini og hustong bili ug bag-ong pamaagi sa pagsaysay.
Photo Courtesy: Wikipedia
