Mokabat sa 2,000 ka tanom nga marijuana ang gipang-ibot sa hiniusang operasyon sa mga law enforcement personnel niadtong Agosto 14, 2026, sa bukirong bahin sa Sitio Catablaran, Barangay Canangaan, Cabanglasan, Bukidnon.
Gipangulohan ang operasyon sa RPDEU Team 1 ug Team 2, ubos sa pagpangulo ni PMSG Carlo Alvin M. Nuera, ug sa direktang pagdumala ni Jayvee G. Babaan sa RPDEU. Sa pakigtambayayong usab nagkadaiyang unit sa kapulisan.
Gibanabana nga mokabat sa P400,000 ang kantidad sa mga nakumpiskang tanom, base sa ilang market value. Padayon usab ang imbestigasyon sa mga otoridad aron maila kung kinsa ang responsable sa pagpananom sa maong marijuana.
Gidayeg sa Municipal Government of Cabanglasan ang mga personahe nga miapil sa operasyon, ilabina sa ilang koordinasyon ug paningkamot batok sa ilegal nga pagpananom sa marijuana.
Photo Courtesy: Kuya Bernie Castillanes
