Nadakpan sa kapulisan ang usa ka Top 3 Most Wanted Person sa provincial level atol sa operasyon sa Purok 8, Barangay Sagbayan, San Miguel, Surigao del Sur pasado alas 4:20 sa hapon niadtong Agosto 10, 2026.
Gipahigayon ang operasyon sa mga personnel sa 2nd Surigao del Sur Provincial Mobile Force Company (2nd SDS PMFC) ubos sa pagdumala ni PLTCOL Nelson C. Nelmida, Force Commander, pinaagi sa Target Intelligence Packet (TIP).
Nadakpan ang suspek nga giila lamang sa alyas “Bert,” 50 anyos ug residente sa Barangay Sagbayan, San Miguel, pinaagi sa Warrant of Arrest nga may kalabotan sa Qualified Rape of a Minor ubos sa Criminal Case No. 9937-26-FC. Wala’y girekomendar nga piyansa alang sa maong kaso.
Atol sa pagdakop, gipahibalo sa mga otoridad ang akusado sa iyang constitutional rights ubos sa Miranda Doctrine ug Anti-Torture Act gamit ang pinulongang Bisaya, nga iyang nasabtan.
Ang nadakpan nalista isip Top 3 Most Wanted Person sa provincial level ubos sa EMPO ug wala gilakip sa drug watch list.
Phot courtesy: PNP 2nd Surigao del Sur Provincial Mobile Force Company
