Aktibong misalmot ang Bureau of Customs (BOC) sa lima ka adlaw nga Bagong Pilipinas National Exporters’ Fair 2026 nga gipangunahan sa Department of Trade and Industry (DTI).
Tumong sa kalihokan ang pag-promote sa lokal nga mga produkto, pagtabang sa mga negosyanteng Pilipino ug pagpalapad sa ilang oportunidad sa internasyonal nga merkado.
Giorganisar sa DTI-Export Marketing Bureau uban sa Philippine Exporters Confederation, Inc., diin gitambongan ang maong kalihokan sa nagkadaiyang ahensya sa gobyerno, mga exporter, negosyante ug eksperto sa industriya.
Gipanghisgutan niini ang mga hagit sa patigayon, pagpausbaw sa kalidad ug kompetisyon sa mga produkto, ug mga pamaagi aron mas mapalambo ang negosyo.
Pinaagi sa maong kalihokan, gipalig-on usab ang kooperasyon tali sa gobyerno ug pribadong sektor aron mas matabangan ang mga lokal nga negosyo nga makasulod sa mas dagkong merkado.
Gilauman nga makatampo kini sa pagpalig-on sa eksport ug paghatag og dugang oportunidad sa mga negosyanteng Pilipino.
Photo Courtesy: Bureau of Customs PH
