Gipasiugda sa GlobalSource Partners nga kinahanglang palig-onon sa gobyerno ang pundasyon sa ekonomiya pinaagi sa pagdani og mga pamuhunan ug pagpausbaw sa productivity aron masiguro ang malungtarong pag-uswag sa Pilipinas.
Matod sa mga kanhing Bangko Sentral ng Pilipinas Deputy Governors nga sila Diwa Guinigundo ug Wilhelmina Manalac, makapabalaka ang 2.6% nga economic growth sa unang katunga sa tuig 2026 tungod sa paghinay sa pipila ka importanteng sektor. Bisan pa man nga mitubo ang agriculture 2.7% ug services 4.5%, mikunhod ang industriya og 2.4%, samtang nakapabalaka usab ang paghinay sa household consumption 2.8%, pag-usos sa investment o gross capital formation 9.2%, ug ang pagkunhod sa construction 14.8%, ilabina sa public construction.
Gipasidaan sa mga eksperto nga dili ra kini problema sa usa ka quarter, kundi usa ka timailhan sa pagkaluya sa kapasidad sa ekonomiya nga molambo sa mga mosunod nga adlaw. Aron masulbad kini, girekomendar nila ang pagpalig-on sa investment environment, paghimo og klarong industrial policy, pagpaayo sa edukasyon ug human capital, pagsiguro sa food ug energy security, ingon man ang pagpalig-on sa mga institusyon ug good governance aron mapadayon ang paglambo sa nasud
Photo Courtesy:GlobalSource Partners
