Abli ang kanhi number one overall pick nga si Ben Simmons sa posibilidad sa iyang pagbalik sa National Basketball Association (NBA) human sa iyang recovery gikan sa back injury. Karon anaa sa Australia si Simmons aron moapil sa minicamp sa Australian national team, ug gilauman nga makigkompetensya alang sa pwesto sa Boomers para sa 2028 Olympics sa Los Angeles.
Apan kinahanglan makaagi una siya sa training uban sa national team aron makakuha og slot. Angayang masayran nga kataposan niyang pagdula alang sa Australia sa national team niadtong 2013, diin teenager pa siya niadtong panahona.
Gikabutyag usab ni Simmons nga bukas siya sa posibilidad nga makabalik sa Philadelphia 76ers, diin nahimo siyang three-time All-Star ug nakadaog sa Rookie of the Year award niadtong 2017-2018. Samtang, sumala sa pipila ka NBA insiders, adunay mga team nga interesado nga hatagan siya og non-guaranteed contract aron makaapil sa ilang minicamp sa dili pa magsugod ang 2026-2027 NBA season.
Sa iyang career, adunay average si Simmons nga 13.1 points, 7.2 assists, 7.4 rebounds, ug 1.5 steals kada duwa.
Photo Courtesy: Fox Sports
