Patay ang usa ka babaye ug 2-anyos nga bata, samtang 6 ang nasamdan human misilaob ang sunog sa ika-11 nga andana sa 12-storey nga Shanta Bhavan sa Vile Parle, Mumbai, India, gabii niadtong milabay nga adlaw.
Sumala sa mga otoridad, nagsugod ang sunog alas 10:02 sa gabii sa duha ka apartment sa building. Mikaylap ang kalayo sa electrical wiring, air-conditioning unit, mga gamit sa panimalay ug kusina.
Giila ang mga namatay nga sila Ankita, 23, ug Abir, 2 anyos. Ang 6 ka nasamdan gidala sa ospital alang sa medikal nga pag-atiman.
Matud sa Nanavati Hospital, ang mga biktima anaa na sa stable nga kahimtang. Samtang padayon pa ang imbestigasyon kong unsa ang hinungdan sa maong sunog.
Photo Courtesy:Free Press Journal
