Nasikop ang usa ka 26-anyos nga babaye nga giila isip High-Value Individual (HVI) sa buy-bust operation sa kapulisan sa Purok 6, Barangay Ajong, Sibulan, Negros Oriental, alas-12:00 sa tungang gabii niadtong Agosto 14, 2026, diin nakumpiska ang 52.2 gramos nga gituohang shabu nga adunay estimated Street Drug Price nga ₱354,960.
Ang suspek giila sa alyas nga “Ashley,” residente sa Barangay Calindagan, Dumaguete City, Negros Oriental, ug nalista isip HVI. Ang operasyon gipangulohan sa PDEU sa Negros Oriental Police Provincial Office (NOrPPO) ubos sa pagdumala ni PCPT Jonah C. Acal, PDEU Officer, uban sa suporta sa PIU NOrPPO ug Sibulan Municipal Police Station.
Narekober sa operasyon ang usa ka sachet nga maoy object of sale ug duha ka dagkong heat-sealed plastic sachets nga adunay puti nga crystalline substance nga gituohang shabu. Nakumpiska usab ang usa ka Nubia cellular phone, usa ka pink nga sling bag, ug buy-bust money nga naglakip sa usa ka tinuod nga ₱1,000 bill ug usa ka bogus nga ₱1,000 bill.
Ang suspek anaa na sa kustodiya sa kapolisan ug pasakaan ug kasong pag lapas sa Section 5 ug 11 sa RA 9165 o Comprehensive Dangerous Drugs Act of 2002.
Photo Courtesy:NOrPPO
