Arestado sa kapulisan ang 43-anyos nga lalaki human gireklamo nga nangilad gamit ang G-Cash hinungdan nga gikasohan og Estafa, sa Barangay 5, Poblacion, General Luna.
Sumala sa imbestigasyon, mihangyo ang suspek sa biktima nga magpadala og ₱20,000 pinaagi sa GCash, alang sa bayranan sa eksaminasyon sa iyang anak. Apan human sa transaksyon, napakyas kini sa pagbayad sa kantidad sumala sa ilang gikasabotan, didto na misumbong sa kapulisan ang biktima.
Gikasa ang pagdakop sa suspek ug gisang-at na sa Office of the Prosecutor ang legal nga aksyon. Pahimangno sa PNP sa publiko, mag-amping sa pagpadala og kwarta pinaagi sa GCash o ubang digital payment platforms aron malikay sa pagpangilad.
