Gipahibalo sa Social Security System (SSS) ug Rizal Commercial Banking Corporation (RCBC) ang ilang bag-ong digital lending service nga gitawag og SSS Loan Lite.
Pinaagi niini, ang mga kwalipikadong miyembro sa SSS mahimong makautang og P1,000 hangtod P20,000, nga mahimong bayran sulod sa 15 o hangtod sa 90 ka adlaw.
Ang aplikasyon mahimo pinaagi sa DiskarTech mobile application, diin adunay real-time eligibility validation, paspas nga loan decision ug instant disbursement kung maaprobahan.
Matud sa RCBC, mahimong awtomatikong ma-debit gikan sa DiskarTech account ang bayad sa loan. Sa pagkakaron, kapin P2.69 bilyon na ang SSS benefits nga napagawas pinaagi sa digital app sa RCBC gikan Enero hangtod Hulyo ning tuiga.
Photo Courtesy: InsiderPH
