Giduso sa Kamara ang sugyot nga ipataas sa P2,000 kada bulan ang social pension sa mga kabus nga senior citizen gikan sa kasamtangang P1,000. Gilakip kini sa House Bill No. 10770 nga gisumite sa pipila ka mga kongresista sa Makabayan bloc.
Sakop usab sa sugyot ang mga pensyonado sa SSS ug GSIS nga nakadawat og P10,000 o ubos pa nga pension kada bulan. Tumong sa mga nagsulong sa panukala nga madugangan ang pinansyal nga suporta sa mga senior citizen ug uban pang panginahanglanon sa adlaw-adlaw.
Photo Courtesy: Philippine News Agency
