Viral karon sa social media ang usa ka iro tungod sa iyang talagsaon nga dagway nga giingong murag nawong sa tawo. Ang maong iro gihinganlan kinig Yogi, usa ka Shih Tzu, ug Poodle mix nga nahimong internet sensation human nga gipost sa tag-iya nga si Chantal Desjardins ang hulagway sa iyang iro diha sa Facebook.
Dali nga mikaylap online ang maong litrato tungod sa lahi ug daw tawhanong dagway ni Yogi diin daghang netizens ang nakamatikod nga daw nawong kini sa usa ka tawo, ug adunay pipila pa nga nagkumpara sa hitsura sa iro ngadto sa pipila ka sikat nga artista.
Apan sumala pa sa tag-iya, siya usab usa ka malumo ug mahigugmaon nga iro tungod sa iyang pagka masinabuton, giingon usab sa tagiya nga wala niya dayon namatikdi nga lahi diay ang dagway sa iro hangtod nga nahimong viral ang panagway sa social media.
Sa karon, padayon nga nakadani og atensyon online ang “human-like” nga iro nga nagpahinumdom nato nga usahay ang atong mga binuhi, makahimo usab og kaugalingong viral moment sa ilang talagsa-ong talento ug postora sa ilang pagka sila.
Photo Courtesy: Wave 3
