Miabot na sa Maynila ang four-time NBA All-Star ug Minnesota Timberwolves superstar nga si Anthony Edwards alang sa usa ka serye sa mga kalihokan ug bisita karong katapusan sa semana.
Ang 24-anyos nga basketball star ug 2026 NBA All-Star Game MVP makig-uban sa iyang mga Pinoy fans pinaagi sa “Believe That. Tour” Fan Fest nga gipahigayon sa Bonifacio Global City (BGC), diin libre ug bukas kini alang sa publiko.
Usa sa mga nag-unang highlight sa iyang pagbisita mao ang “Believe That. Challenge,” usa ka nationwide 1-on-1 basketball tournament nga naghatag og higayon sa modaug nga makadawat og P100,000 nga premyo ug ang opisyal nga championship crown nga itunol mismo ni Edwards. Gawas niini, nakig-uban na usab ang NBA star sa pipila ka sikat nga Filipino content creators nga nailang kalokalike sa mga sikat nga NBA players.
Si Edwards, nga nakuha isip first overall pick sa 2020 NBA Draft, nakatala na og daghang dagkong kalampusan lakip ang pagpili kaniya sa All-NBA Second Team sa duha ka higayon ug ang pagdaog og Olympic gold medal kauban ang Team USA sa 2024 Paris Olympics. Ang iyang pag-abot nagdala og dakong kasadya sa mga Pilipinong deboto ug sumusunod sa NBA
Photo Courtesy: IMDb
