Opisyal nang gipaila si Bea Alonzo isip “Bea Alonzo-Co” sa iyang pagtambong sa usa ka public event sa Bonifacio Global City, Taguig niadtong Agosto 13, pipila ka semana human sa iyang pribadong kasal kang negosyanteng si Vincent Co.
Ang paggamit sa apelyido nga “Co” maoy pagrespeto ni Bea sa iyang bana. Gipadayag usab sa aktres nga malipayon siya sa iyang bag-ong kinabuhi isip asawa ug karon nagpuyo na sila ni Vincent sa usa ka balay.
Gipili usab sa magtiayon nga himuong pribado ang ilang kasal. Matud ni Bea, gusto lang niya nga ang maong higayon mahimong para nilang duha ug dili para sa ubang tawo. Gikasal sila sa civil rites niadtong Hulyo 13 sa Makati City Hall, nga gipangulohan ni Mayor Nancy Binay.
Samtang, padayon gihapon si Bea sa iyang showbiz career ug karon nagtaping alang sa iyang umaabot nga TVseries nga “Whispers from Heaven.”
Photo Courtesy:@beaalonzo Instagram
