Gipakusgan sa Baganga Municipal Police Station (MPS) ang kampanya batok sa pag-abuso sa droga pinaagi sa pagpahigayon og drug awareness activity pasado alas 9:00 sa buntag niadtong Agosto 12, 2026 didto sa Baganga National High School, Barangay Central, Baganga, Davao Oriental.
Sa maong kalihokan si PCpl Cynthia Rose Morales sa Women and Children Protection Desk (WCPD) sa Baganga MPS ang nahimong resource speaker ug gihisgutan ang mga balaod alang sa pagpanalipod sa kabataan, anti-cybercrime, responsableng paggiya sa mga anak, mga timailhan sa sayong pag-abuso sa droga, ug ang kamahinungdanon sa positibong komunikasyon ug husto nga paggiya sulod sa pamilya.
Ang aktibidad adunay temang “Parents as Partners: Strengthening Families Against Drug Abuse” ug kini gitambongan sa mga ginikanan ug magtutudlo sa maong tulunghaan.
Pinaagi niini nga inisyatibo, gitinguha nga mas mapalig-on ang papel sa mga ginikanan ug magtutudlo isip mga kauban sa pagpugong sa pag-abuso sa droga, pagpanalipod sa mga bata, ug pagpalambo sa luwas ug himsog nga komunidad.
Photo Courtesy: Baganga MPS
