Nasikop sa kapulisan ang usa ka 43 anyos nga lalaking driver atol sa search warrant implementation sa Purok 4-Aquino, Barangay Manga, Pagadian City, Zamboanga del Sur, kagahapon sa hapon, Agosto 13, 2026.
Gikasa ang operasyon sa pagpanguna sa Pagadian City Police Station ug 902nd Maneuver Company, RMFB-9 pinasikad sa search warrant nga giisyu sa Regional Trial Court 9, Pagadian City, gumikan sa paglapas Republic Act No. 10591.
Nakumpiska sa operasyon ang caliber .45 STI Edge pistol, usa ka magazine, unom ka buhing bala ug duha ka sachet gituohang shabu, usa ka improvised glass pipe, ug duha ka plastic straws ug ang pistol holster. Ang mga nakumpiskang droga gipailawom sa forensic examination sa Zamboanga del Sur Provincial Forensic Unit, Camp Abelon, Pagadian City.
Samtang ang dinakpan nga suspetsado ug uban pang nakumpiska nga nga butang gidala sa Pagadian City Police Station alang sa tukmang pagpasaka sa kaso.
Photo Courtesy: Magnific
