Mas gipaspasan sa LGU Nabunturan, Davao de Oro ang pagproseso sa gi-aprubahang loan aron mapalambo ang pagdumala sa basura sa lungsod, ilabina ang operasyon sa sanitary landfill.
Sumala ni SB Member Franklin “Frank” Alipan, Atol sa pag-interviews sa Juander Radyo News Team nga nagdumala sa Committee on Environmental Protection and Natural Resources ug Committee on Cooperatives, Gipaningkamotan usab sa munisipyo nga masulbad ang mga delay sa pagkolekta sa basura tungod sa kakulang sa garbage compactor.
Matud ni Alipan, naglisod ang operasyon tungod kay ang mga available nga compactor dili igo aron maatiman ang Poblacion ug mga barangay. Naglakip ang loan application sa pagpalit og mga ekipo sama sa backhoe, dump trucks ug loader alang sa sanitary landfill.
Lakip usab sa gisugyot nga proyekto ang usa ka thermal decomposition machine nga gikatakdang makaproseso og hangtod 10 toneladang basura, nga sumala sa opisyal, mahimong mabilin na lamang og mga tulo ka kilo nga abo. Gibanabana nga mokabat sa P28 milyon ang proposed loan alang sa maong mga kagamitan ug proyekto.
